Օդանավակայանում ուղեւորները ոստիկանի են ծեծել: Կոնֆլիկտը տեղի է ունեցել, երբ հարբած երկու եղբայրների մերժել են օդանավ թողնել:

Ռուսական Տյումեն քաղաքի օդանավակայանում երկու հարբած տղամարդկանց չեն թողել օդանավ բարձրանալ, որից հետո նրանք ոստիկանների հետ ծեծկռտուք են սարքել:

Նրանք պետք է Տյումենից Սալեխարդ ուղեւորվեին, սակայն երբ հարբած վիճակում մոտեցել են ռեգիստրացիոն բաժին, նրանց թույլ չեն տվել օդանավ բարձրանալ, իսկ ոստիկանները նրանց հերթապահ մաս են տեղափոխել՝ վարչական արձանագրություններ կազմելու: 

Ինչպես պարզ է դարձել, ծեծկռտուքը նախաձեռնել է ավագ եղբայրը:

Բացի տուգանքից, նրանք կարող են դատապարտվել մինչեւ հինգ տարի ազատազրկման:

Նշենք, որ վերջին երկու շաբաթների ընթացքում սա հարբած ուղեւորների հետ կապված արդեն երկրորդ դեպքն է:

Ինչպես ավելի վաղ հայտարարել էր NEWS.am-ը, Կրասնոյարսկ-Մոսկվա չվերթի օդանավը հարկադիր վայրէջք էր կատարել Նովոսիբիրսում՝ օդանավում վիճաբանության պատճառով: Բորտուղեկցորդը գլխուղեղի ցնցմամբ հիվանդանոցում է:

 Բարձրաստիճան պաշտոնյան օդանավում կռիվ է սարքել զուգարանի պատճառով