Ես Հայաստանի այսօրվա իշխանություններին դեմ եմ: Այս մասին փետրվարի 17-ին՝ մամուլի ասուլիսի ժամանակ ասաց պաշտպանության նախկին նախարար Սեյրան Օհանյանը, որը գլխավորում է «Օհանյան-Րաֆֆի-Օսկանյան» դաշինքի համամասնական ցուցակի համապետական ընտրացուցակը:
Նրա խոսքով՝ ինքը Հայաստանի նախագահի հետ ոչ մի խնդիր չունի: «Մենք կառավարման ոլորտում տարբեր տեսակետներ ունենք: Ես մեծ հարգանքով եմ վերաբերվում կառավարման ներկայիս համակարգի ներկայացուցիչներին»,- նշեց Օհանյանը:
Հստակեցնող հարցին՝ նա Հայաստանի գործող իշխանություններին դե՞մ է հանդես գալիս, որի անբաժանելի մասն է եղել երկար տարիներ, պաշտպանության նախկին նախարարը հավաստիացրեց. «Իհարկե, ես դեմ եմ այսօրվա իշխանություններին, ինչպես ժողովրդի մեծամասնությունը»:
