Գլոբալ տաքացման հետեւանքով մարդիկ կարող են գաճաճ դառնալ։ Նման եզրակացություն են արել գիտնականները՝ վերլուծելով կաթնասունների կյանքը։ Բրիտանացի հետազոտողները նկատել են, որ Երկրի պատմության ընթացքում ջերմաստիճանի բարձրացումը ազդել է կաթնասունների չափերի վրա, դրանք կրկնակի փոքրացել են, գրում է Informing –ը։

Այդ փոքրացումը սկսվել է դեռ 55 մլն տարի առաջ, երբ օդի ջերմաստիճանը սկսել է բարձրանալ, ինչի հետեւանքով շատ կաթնասունենրի չափերը փոքրացել են, որոշ տեսակներ էլ առհասարակ ոչնչացել են։

Շոգի պատճառով մարդը քիչ խոնավություն է ստանում եւ դրա հետեւանքով նրա օրգանիզմի կառուցվածքը նույնպես կարող է փոխվել։ Այնպես որ առաջիկա հարյուրամյակում, հնարավոր է, որ գլոբալ տաքացման հետեւանքները անդադառնան նաեւ մարդկանց հասակի վրա։