Թուրքիայի նախագահ Ռեջեփ Թայիփ Էրդողանը երկրի մի շարք կուսակցությունների ղեկավարներին շնորհավորել է ապրիլի 16-ին անցկացված սահմանադրական հանրաքվեում հաղթանակի կապակցությամբ: Այս մասին գրում է Anadolu գործակալությունը:
Աղբյուրի համաձայն՝ Էրդողանը զանգահարել է իշխող Արդարություն եւ զարգացում կուսակցության ղեկավար, վարչապետ Բինալի Յըլդըրըմին, Ազգայնական շարժում կուսակցության նախագահ Դեւլեթ Բահչելիին եւ Մեծ միասնություն կուսակցության առաջնորդ Մուսթաֆա Դեսթեջիին:
Նա հույս է հայտնել, որ հանրաքվեի արդյունքները կծառայեն ի շահ պետության եւ Թուրքիայի ժողովրդի: