Հնդկաստանում արգելել են ոգելից խմիչքի վաճառքը երկրի հյուրանոցների գրեթե 50 տոկոսում։ Այս մասին հաղորդում է Ռուսասատանի տուրօպերատոների ասոցացիան, հաղորդում է Lenta-ն։
Բանն այն է, որ ապրիլի 1-ից Հնդկաստանի գերագույն դատարանը արգելք է սահմանել պետական ավտոճանապարհներից 500 մետրի սահմաններում ալկոհոլի վաճառքի վրա։ Նշվում է, որ նման քայլը մեծ հարված է հասցրել պետության զբոսաշրջային ոլորտին, մասնավորապես՝ հյուրանոցային բնագավառին։
Արգելքի ազդեցության տակ հայտնվել են նաեւ հայտնի հյուրանոցներ, օրինակ՝ չորսաստղանի Radisson Blu Hotel Guwahati՝ Հնդկաստանի արեւելքում գտնվող Ասսամ նահանգում եւ հինգաստղանի Oberoi-ը՝ երկրի հյուսիսում եւ այլն։
Վերոնշյալ օրենքի պատճառով իրենց գործունեությունը Հնդկաստանում դադարեցնում են մինչեւ 100 հազար հաստատություններ, որոնք զբաղվում են ոգելիցի վաճառքով։