Գլենդելում գտնվող Americana at Brand զվարճանքների եւ առեւտրի կենտրոնի ղեկավարությունը միտքը փոխել է եւ որոշել է թույլ տալ Հայոց ցեղասպանության մասին «Ժխտման ճարտարապետները» ֆիլմի գովազդի տեղադրումը:
Որոշումն ընդունվել է, երբ Ամերիկայի Հայ դատի հանձնախումբը պատրաստվել է բոյկոտել բոլոր օբյեկտները, որոնք պատկանում են կենտրոնի սեփականատեր Ռիկ Կարուզոյին:
ANCA-ն ընկերության ղեկավարից նամակ է ստացել, որում նրանք դատապարտել են «աշխարհ ցանկացած կետում ցանկացած տեսակի վայրագությունը, այդ թվում՝ Հայոց ցեղասպանությունը, որը ներգործել է մեր հանրույթում հայերի կյանքի վրա»: Առեւտրի կենտրոնը նաեւ հայտարարել է, որ կաշխատի ֆիլմի հեղինակի հետ, եւ գովազդը Americana at Brand-ում անվճար կտեղադրվի:
Ամերիկայի հայերը շնորհակալություն են հայտնել համայնքի բոլոր ներկայացուցիչնմերին, ինչպես նաեւ Քալիֆորնիայի Սենատի անդամ Էնթոնի Փորթանթոյին, կոնգրեսական Ադամ Շիֆին եւ բոլոր նրանց, որոնք իրենց դիրքորոշմանն աջակցել են:
Նշենք, որ ավելի վաղ կենտրոնի ղեկավարությունը հրաժարվել էր ֆիլմի գովազդը տեղադրելուց, քանի որ այն «չափից ավելի քաղաքականացված է»: