Չինաստանի Գուանչժոու քաղաքի բնակչի ականջից կենդանի մողես են հանել, հայտնում է Daily Mail-ը։
Տղամարդը պնդում է, որ արթնացել է ականջում տհաճ զգացողություններից։ Նա զգացել է, որ գլխի մեջ ինչ-որ բան է շարժվում ու ենթադրել է, որ քնած ժամանակ ականջի մեջ խավարասեր է մտել։
Զննման ժամանակ բժիշկը տղամարդու ականջում կենդանի մողես է նկատել։ Երբ փորձել է մողեսին գործիքով հանել, կենդանին սկսել է փախչել։ Կենդանուն անշարժացնելու համար բժիշկը ստիպված է եղել հանգստացնող դեղամիջոց ներարկել։
Բժիշկները անհանգստացած են մողեսի պոչի բացակայությամբ։ Հնարավոր է այն մնացել է հիվանդի ականջում, սակայն բժիշկներին դեռ չի հաջողվել գտնել այն։