Պակիստանի Կարաչի քաղաքում հոսանքով սպանել են դեռահաս սիրահար զույգին։ Այս մասին հաղորդում է The Independent-ը՝ վկայակոչելով ոստիկանության տվյալները։
Միջադեպին մասնակցություն ունենալու կասկածանքով ձերբակալվել են երկու ընտանիքների ներկայացուցիչները։ Նախ սպանել եւ թաղել են 15-ամյա Բաքհթ Ջանին, իսկ հաջորդ օրը նրա 17-ամյա զուգընկերոջը՝ Ռեհմանին։
Ոստիկանների խոսքով՝ մահապատժի հետ անմիջական կապ ունեն սպանված դեռահասների հայրերն ու հորեղբայրները, ինչպես նաեւ տեղի ավագանու խորհրդի 30 ներկայացուցիչներ, որոնք այժմ թաքնվում են հետաքննությունից։
Պարբերականի տվյալներով՝ երիտասարդների ծնողներն արդեն համաձայնել էին նրանց հարսանիքին, սակայն ավագանու խորհուրդը սպառնացել է, որ եթե նրանք պատվի սպանություն չգործեն, խնդիրներ կունենան։