Մարտի 1-ի գործով ՀՀ նախկին փոխվարչապետ Արմեն Գեւորգյանին այսօր՝ օգոստոսի 3-ին մեղադրանք է առաջադրվել, բայց ոչ սահմանադրական կարգը տապալելու հոդվածով: Այս մասին Հանրային հեռուստաընկերության «Օրակարգից դուրս» հաղորդման ժամանակ հայտարարել է ՀՀ Հատուկ քննչական ծառայության պետ Սասուն Խաչատրյանը:
«Ըստ Wikileaks-ի՝ Սահմանադրական դատարանի դատավոր Վալերի Պողոսյանի նկատմամբ ճնշում է եղել, նա բողոքել է, ասել է՝ Ռոբերտ Քոչարյանի աշխատակազմից իր վրա ճնշում է եղել, որ ինքը կայացնի Սերժ Սարգսյանին օգտին որոշում: Այս վիկիլիքսյան հրապարակումը հիմնավորվեց. Արմեն Գեւորգյանը մեկ այլ պաշտոնյայի հետ միասին, փորձել է ճնշում գործադրել ՍԴ դատավոր Վալերի Պողոսյանի վրա: Նրան մեղադրանք է առաջադրվել արդարադատության իրականացմանը խոչընդոտելու համար՝ 332 հոդվածի 3-րդ մասով: Դա ծանր հանցանք է եւ մինչեւ 6 տարվա ազատազրկում է նախատեսում: Խափանման միջոցը ստորագրությունն է՝ չհեռանալու մասին»,- ասել է Սասուն Խաչատրյանը:
Նշենք, որ 2007 թվականի հունիսից մինչեւ 2008 թ. ապրիլը Արմեն Գեւորգյանը զբաղեցրել է Ազգային անվտանգության խորհրդի քարտուղարի պաշտոնը։ Վալերի Պողոսյանը ՍԴ անդամ է եղել 1996-2014 թվականներին, իսկ 2014-ից ՍԴ խորհրդական է:
Հիշեցնենք, որ Մարտի 1-ի գործով մեղադրյալի կարգավիճակ ունեն ՀՀ երկրորդ նախագահ Ռոբերտ Քոչարյանը, ՀԱՊԿ գլխավոր քարտուղար Յուրի Խաչատուրովը, ով 2018 թվականին ԶՈՒ Երեւանի կայազորի պետն էր, ինչպես նաեւ ՀՀ պաշտպանության նախկին նախարար Միքայել Հարությունյանը:
Ռոբերտ Քոչարյանը 2 ամսով կալանավորվել է, Յուրի Խաչատուրովը՝ 5 մլն գրավի դիմաց ազատ արձակվել, իսկ Միքայել Հարությունյանը
