Կանադայում ոստիկանությունը համապատասխան օրենքը չեղյալ հայտարարելուց առաջ կնոջը մեղադրել է «կախարդության խարդախ գործունեության մեջ»՝ տեղեկացնում է Newsweek-ը։

33-ամյա Տիֆանի Բաթչը մեղադրվել է նրանում, որ ձեւացրել է, թե կախարդություններ կարող է անել եւ ապագա գուշակել, ինչը հակասում է Կանադայի ՔՕ-ին։

Ոստիկանությունը հայտարարել է, որ Բաթչն «իրեն համարում է ինքնահռչակ մեդիում, պայծառատես»։ Ենթադրվում է, որ նա գումար է վերցրել մարդկանցից իբր «պոտենցիալ վտանգից» պաշտպանելու համար։

CBC-ը հայտնում է, որ մեղադրանքը նրան ներկայացվել է դեկտեմբերի 11-ին՝ երկու օր առաջ այն բանից, երբ կանադական կառավարությունը չեղյալ է համարել այդ մասին օրենքը եւ էլի մի քանի օրենքներ, որոնք հնացած են ճանաչվել։

Բաթչը, ում անվանում են «Հյուսիսի սպիտակ վհուկ», ժխտում է, որ ինքը ձեւացրել է, թե կարող է կախարդել, որպեսզի որեւէ մեկին ազատի փողերի անեծքից։ «Մարդիկ այստեղ ինձ վհուկ են հայտարարել եւ նույնիսկ անուն դրել, սակայն ես կախարդ չեմ։ Ես էքստրասենս եմ»,- ասել է նա CBC-ի հետ զրույցում։

Այն, որ օրենքը չեղյալ է հայտարարվել, չի նշանակում, որ Բաթչը կազատվի պատասխանատվությունից, քանի որ նրան ավելի վաղ է մեղադրանք ներկայացվել։