Արցախի շփման գծում այս տարվա առաջին օրերին իրավիճակը հանգիստ է եղել։ Այս մասին NEWS.am-ին ասաց ՊԲ մամուլի խոսնակ Սենոր Հասրաթյանը։
«Իրավիճակը հանգիստ է, կրակոցներ գրեթե չկան»,– ասաց Սենոր Հասրաթյանը։
Նա նշեց, որ 2018 թվականի հետ համեմատած իրավիճակն ավելի հանդարտ է, իսկ նախորդ տարին արցախա-ադրբեջանական հակամարտ զորքերի շփման գծում տիրող իրադրությունը պայմանականորեն կարելի է համարել հարաբերական կայուն:
Ինչպես ավելի վաղ հայտնել էր NEWS.am-ը, դեկտեմբերի 30-ից հունվարի 5-ն ընկած ժամանակահատվածում արցախա-ադրբեջանական հակամարտ զորքերի շփման գոտում հակառակորդը հրադադարի պահպանման ռեժիմը խախտել է ավելի քան 125 անգամ, որի ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակել է շուրջ 1000 կրակոց:
