Ծագումով Ղրղզստանից կինը, որն իր երեխաներին վաճառքի էր դրել, մինչեւ մայիսի 6-ը կալանավորվել է Մոսկվայի Պրեոբրաժենսկյան դատարանի որոշմամբ, հայտնում է «360» հեռուստաալիքը:
Կինը նախ ցանկացել է ազատվել մեկամյա աղջկանից, այնուհետեւ նաեւ նորածին փոքրիկից:
Այսպիսով, դատարանը բավարարել է քննչական մարմնի միջնորդությունը: 23-ամյա Բարնոհոն Կըզըի դեմ հարուցվել է քրեական գործ՝ անչափահասին վաճառելու մեղադրանքով, որն ակնհայտ անօգնական վիճակում է եղել: Նրան սպառնում է մինչեւ 6 տարվա ազատազրկում:
Գործազուրկ Բարնոհոն Կըզըն առաջին անգամ Մոսկվա է եկել 2018 թվականի ամռանը Ուֆայից: Նա այդ ժամանակ իր մեկամյա աղջկա համար որդեգիրներ էր փնտրում համացանցում: Գնորդ ներկայանալով՝ նրա հետ կապ են հաստատել կամավորները, որոնց կինը պատմել է, որ որոշել է դստերը վաճառել: Որոշ ժամանակ անց նա մտքափոխվել է եւ հետ գնացել:
Սակայն մոտ մեկ շաբաթ առաջ Բարնոհոն Կըզըն երկրորդ անգամ է եկել ՌԴ մայրաքաղաք: Նա նախապես համացանցում հայտարարություն է տեղադրել նոր-նոր լույս աշխարհ եկած երկրորդ դստեր վաճառքի մասին: