Կանադայի Օնտարիո նահանգում ուժի մեջ է մտել դպրոցներում սմարթֆոնների օգտագործման արգելքը, հաղորդում է ՏԱՍՍ-ը։ Այդպիսով երեխաները կարող են կենտրոնանալ ուսումնական գերծընթացի վրա, հայտարարել են տեղական իշխանություններն՝ ավելացնելով, որ հեռախոսները դարձել են աշակերտներին դասերից շեղող հիմնական գործոններից մեկը։
Սմարթֆոնների գործածումն արգելվել է ոչ միայն աշակերտներին, այլեւ՝ ուսուցիչներին։ Արգելքը գործում է միայն դասերի ընթացքում, դասամիջոցին նորից կարելի է օգտվել գաջեթներից։
Փաստաթղթում առկա է բացառություն՝ ուսուցիչներին թույլատրվում է դասի ժամանակ օգտվել սմարթֆոններից, եթե ծագում է նման անհրաժեշտություն, ինչպես նաեւ արտակարգ իրավիճակներում, օրինակ՝ շտապ օգնություն կանչելու համար։ Արգելքը չի վերաբերի նաեւ սահմանափակ կարողություններով երեխաներին։
