News
Լրահոս
News
Երկուշաբթի
Հուլիս 04
USD
407.95
EUR
426.35
RUB
7.46
Տեսնել լրահոսը

Ոստիկանության տարածած հաղորդագրությունն իրականությանը չի համապատասխանում, իմ պաշտպանյալ Տիգրան Կարապետյանը ոստիկանի չի հարվածել, այլ նրան քարշ տալուց անկանոն  շարժումների հետեւանքով հարված եղել: Այս մասին NEWS.am-ի հետ զրույցում ասաց փաստաբան Գուրգեն Հովհաննիսյանը`անդրադառնալով երեկ ՀՀ Ոստիկանության տարածած հաղորդագրությանը, որում ասվում էր, որ Երևանի 47-ամյա բնակիչը հարբած վիճակում մարմնական վնասվածք է պատճառել ոստիկանին:

«Ոստիկանությունը այդ հայտարարությունը տեղադրեց քաղաքացուն խոշանգելու մասին  լուրը հրապարակելուց հետո, եւ եթե կար ոստիկանին հարվածելու փաստ, ապա թող ավելի շուտ իրենց պաշտոնական էջում տեղադրեին, ոչ թե նյութին հակադարձեին: Այսինքն այ ամենից  ենթադրում ենք, որ Ոստիկանության հայտարությունը իրականությանը չի համապատասխանում: Կարեւոր չէ, թե ով է, քաղաքացի է, ով խոշտանգվել է, նվաստացվել է: Ոստիկանությունում թքել են նրա վրա, ուզեցել են մտցնեն զուգարան, կոտրեն, հենց հիմա Տիգրանը հոգեպես ընկճված վիճակում է, չի խոսում, նրա հինգ տարեկան երեխային են հայհոյել, կնոջը, մորը: Մի խոսքով` քաղաքացի է ծեծվել Ոստիկանության բաժնում, օպերների կողմից ստորացվել է  բաժնի պետի եւ քրեականի պետի կողմից, այսինքն այդ բաժինը միշտ էլ փայլել է այդ գործողություններով»,- ասաց փաստաբանը:

Փաստաբանը պատմեց, որ իր պաշտպանյալը արագ է վարել մեքենան, քանի որ երեխայի համար դեղամիջոց գնելու էր շտապում, նրան են մոտեցել քաղաքացիական հագուստով ոստիկանները եւ ասել են` «ինչու ես արագ քշում, քեզ ով է` թույլ տվել», ինչին Տիգրանը հակադարձել է` «դուք ով եք` ինձ ասեք, թե ես ոնց քշեմ», ու նա չի իմացել, որ ոստիկաններ են իր հետ խոսող անձինք:

«Դուրս են գալիս ոստիկանները նրանք քարշ տալով, ծեծելով, տշելով տանում են նրա մեքենան են նստացնում եւ տեսանյութ ունեն, եւ դրանում էլ երեւոմ է, որ օպերլիազորի աչքը վնասվում է Տիգրանի անկանոն շարժումներից, երբ նրան քարշ են տալիս: Դեմքի վրա նորմալ տեղ չի մնացել, որովհետեւ նրան չեն ծեծել, այլ կոնկրետ տշել են»,- պատմեց փաստաբանը:

Նա հայտնեց նաև, որ այսօր Տիգրան Կարապետյանին ռենտգեն զննման են ենթարկելու:

Հիշեցնենք՝ Ոստիկանության տարածած հաղորդագրության մեջ, մասնավորապես, նշված է. «Մարտի 27-ին, ժամը 5-ին, ոստիկանության Մալաթիայի բաժնի ծառայողները Շերամի և Օհանովի փողոցների խաչմերուկում ստուգման նպատակով մոտեցել են բարձր արագությամբ ընթացող «Միցուբիշի» մակնիշի ավտոմեքենային և ներկայանալով՝ վարորդից պահանջել են տրամադրել փաստաթղթերը: Վարորդն ու ուղևորը ակնհայտ եղել են ոգելից խմիչքի ազդեցության տակ։ Չունենալով վարորդական իրավունքի վկայական՝ քաղաքացիները դրսևորել են ագրեսիվ վարքագիծ, չեն ենթարկվել ոստիկանության ծառայողների օրինական պահանջներին և հնչեցրել են հայհոյանքներ: Անձը պարզելու նպատակով, ոստիկանները փորձել են քաղաքացիներին բերման ենթարկել բաժին։

Վարորդը դիմադրելով՝ բռունցքով հարվածել է ոստիկանության ծառայողներից մեկին՝ ձախ աչքի կոպի հատվածում պատճառելով մարմնական վնասվածք: Քաղաքացիները իշխանության ներկայացուցչի նկատմամբ բռնություն գործադրելու համար ժամը 5։25-ին, մեքենայով հանդերձ բերման են ենթարկվել ոստիկանության Մալաթիայի բաժին և ներկայացվել տարածքային քննչական բաժին' հարցաքննության։ Բժիշկների կողմից ստուգվել է նրանց սթափության աստիճանը: Պարզվել է, որ բերման ենթարկվածները գտնվում են ալկոհոլային հարբածության վիճակում: Դեպքի առթիվ քրեական գործ է հարուցվել: 48-ամյա վարորդը ձերբակալվել է։ Կատարվում է նախաքննություն»:

Տպել
Կարդացեք նաև
Ամբողջը
Մոսկվայում սպանվել է Վանաձորցի բնակիչ. տեսախցիկն արձանագրել է սպանության պահը
Այդ օրը Մոսկվայի Միտիշիի շրջանում Վարդան Փ-ի և Գյումրի բնակչի միջև ․․․
Յուկատանում 8 դի է հայտնաբերվել
Շաբաթ օրը Մեքսիկայի Յուկատան թերակղզում հայտնաբերվել է ութ դի, հայտնում է AP լրատվական գործակալությունը եւ հավելում, որ այդ մահացածներն առևանգվել են Կարիբյան ծովի ափին գտնվող հանգստավայրից։
Դանակահարություն Արարատ գյուղում. 45-ամյա տղամարդը ձերբակալվել է
Հունիսի 25-ին, ժամը 00.45-ին, նա Ավշար գյուղի գազալցակայանի տարածքում հայտնաբերվել եւ բերման է ենթարկվել…
Երևանում 21-ամյա մատուցողուհին դանակահարել է 30-ամյա կնոջը, որին անգիտակից հայտնաբերել են պարեկները
Ոտիկանության կենտրոնական բաժնում հարուցվել է քրեական գործ՝ ՀՀ քր օր-ի 112 հոդվածի ․․․
Դաղստանի նախկին վարչապետի որդին սպանության համար 13 տարով ազատազրկվել է
Մահացած աղջիկը Մաջիդովի դասընկերն է եղել: Ուսանողները պատմել են, որ մինչ մահը նա դասավորել է իրերը:
Կրակոցներ՝ Երեւանում. հրազենային վնասվածքներով հիվանդանոց է տեղափոխվել մի քաղաքացի
Այս պահին դեպքի վայրի զննություն են կատարում Հայաստանի քննչական կոմիտեի քննիչները...
Ամենաշատ
Ֆոտոռեպորտաժներ