Քյոլնում կորոնավիրուսի պատճառով սնանկացել է Եվրոպայի ամենախոշոր բորդելը, հաղորդում է Express թերթը:
«Դա, անհավատալի է, սակայն այսօր ես հայտարարություն եմ տվել սնանկության մասին»,-ասել է հասարակաց տան ղեկավար Արմին Լոբշայդը: Նա պարզաբանել է, որ պանդեմիայի ժամանակ կառավարությունն արգելել է սեքս ծառայությունները:
Նա նշել է, որ կարող էր խուսափել սնանկության պրոցեդուրայից, եթե երաշխիքներ լինեին այս տարի աշխատանքները վերսկսելու համար:
Հուլիսին հաղորդվել է, որ գերմանացի մարմնավաճառուհիները ցանկացել են վերադառնալ աշխատանքի եւ ցույց են կազմակերպել, որին մասնակցել է մոտ 400 աշխատակից եւ բորդելի ղեկավարը: