News
Լրահոս
News
Հինգշաբթի
Մարտ 28
Տեսնել լրահոսը

ԱՄՆ իշխանությունները պատրաստվում են մինչեւ դեկտեմբերի կեսը սկսել նոր կորոնավիրուսի դեմ պատվաստումները, մինչդեռ մեկ այլ դեղագործական ընկերություն հայտնել է պատվաստանյութի փորձարկման խոստումնալից արդյունքների մասին, հայտնում է «Ամերիկայի ձայնը»:

Պատվաստումների նախապատրաստման արշավի ղեկավարն ասել է, որ բուժաշխատողների եւ ռիսկի խմբերի ներկայացուցիչների պատվաստումները կարող են սկսել պատվաստանյութի գրանցումից մեկ կամ երկու օր հետո: Ինչպես պատմել է «Գերձայնային արագություն» գործողության գլխավոր գիտական խորհրդատու, դոկտոր Մոնսեֆ Սլաուին, Pfizer-ի եւ BioNTech-ի պատվաստանյութը ԱՄՆ կարգավորող մարմիններից կարող է հավանություն ստանալ արդեն դեկտեմբերի 11-ին: «Գրանցվելուց հետո մեկ օրվա ընթացքում պատվաստանյութը կմատակարարվի այնտեղ, որտեղ նահանգները ցանկանում են պատվաստանյութի չափաբաժիններ ստանալ»,- NBC-ին տված հարցազրույցում ասել է Սլաուին:

Pfizer-ը հայտարարել է, որ իր պատվաստանյութը 95 տոկոսով արդյունավետ է:

Moderna ընկերությունը նախատեսում է իր պատվաստանյութը գրանցելու համար դեկտեմբերին դիմել: AstraZeneca բրիտանական ընկերությունը երկուշաբթի օրը հայտնել է, որ կլինիկական փորձարկումների վերջին փուլի արդյունքներով իր պատվաստանյութը 90 տոկոսով արդյունավետ է եւ առանց որեւէ լուրջ կողմնակի ազդեցության: Ենթադրվում է, որ այս պատվաստանյութը արտադրելն ավելի էժան է եւ ավելի հեշտ է տեղափոխել, քան մրցակից ընկերությունների պատվաստանյութերը: AstraZeneca-ն հայտարարել է, որ մինչեւ 2020 թվականի վերջը կարտադրվի մինչեւ 200 միլիոն չափաբաժին, իսկ մինչեւ 2021 թվականի առաջին եռամսյակի ավարտը կարող է պատրաստ լինել եւս 700 միլիոն չափաբաժին:

Միեւնույն ժամանակ, Միացյալ Նահանգներում վարակման դեպքերի թիվը գերազանցել է 12 միլիոնը, իսկ մահվան դեպքերինը` 255 հազարը: Վերջին երկու շաբաթների ընթացքում հոսպիտալացումների թիվն աճել է գրեթե 50 տոկոսով: Հիվանդացածության աճի պատճառով նահանգային եւ քաղաքային իշխանությունները կրկին սահմանափակող միջոցառումներ են ներդնում:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Բրազիլիայի նախագահին մեղադրում են կորոնավիրուսի դեմ պատվաստվելու հարցում թույլ տված խարդախությունների համար
Նա հաստատել է, որ չի պատվաստվել․․․
Ադրբեջանում հերթական անգամ երկարացվել է հատուկ կարանտինային ռեժիմը
Ադրբեջանում երկարացվել է կարանտինը...
COVID-19-ի ժամանակ կիրառված սահմանափակումների հետևանքով տնտեսական զարգացումը կարող է 40 տարով դանդաղել աշխարհում
Կարող են գնաճային ռիսկեր դիտվել․․․
Հավատացյալներն ավելի լավ են վերապրել կորոնավիրուսային համաճարակը․ հետազոտություն
Covid-19-ի բացասական հետևանքներից մեկը եղել է հոգեկան առողջությանը հասցված…
Չինացի գիտնականները հայտնաբերել են COVID-19-ը ԱՀԿ-ին տեղեկացնելուց երկու շաբաթ առաջ. WSJ
Չինացի հետազոտողները հայտնաբերել են SARS-CoV-2 վիրուսի գրեթե ամբողջ կառուցվածքը...
Դեղը, որը Թրամփը «հրաշք» է անվանել, աշխարհում 17 հազար մարդու մահվան պատճառ է դարձել
Հակամալարիայի դեղամիջոցը նշանակվել է որոշ հիվանդների, որոնք հոսպիտալացվել են COVID-19-ով համաճարակի առաջին ալիքի ժամանակ...
Ամենաշատ