10-ամյա Էմին Հյուսիսային Կարոլինայի նահանգից մահացավ հուլիսի 11-ին քաղցկեղից։ Մահվանից 12 օր առաջ նրա հարազատներն իրականացրին աղջկա բաղձալի երազանքը։ «Երեխաների մեծ մասը ցանկանում է գնալ Դիսնեյլենդ։ Բայց Էմին ցանկանում էր ամուսնանալ, դառնալ մեկի կինն ու երեք երեխա ունենալ»,- ասել է Ալինա Էդվարդսը դստեր մասին, տեղեկացրել է BILD-ը։

Փեսացուի դերում աղջկա դպրոցական ընկերն էր՝ Դենիել Ուիլյամսը։ Նա իսկապես երազում էր ամուսնանալ աղջկա հետ, երբ մեծանան։ Մեծահասակները կատարել են երեխաների ցանկությունը՝ հարսանիք կազմակերպելով Էմիի տատիկի բակում։ Արարողությանը ներկա էին մոտ 100 հյուրեր, հայրը աղջկան տարել է խորանի մոտ։