նախընտրելի դարձնելԱնանիա Շիրակացիի անվան ճեմարանը, որպես «Կանաչ մոլորակ» միջազգային էկոլոգիական շարժման պաշտոնական ներկայացուցիչ Հայաստանում, կազմակերպում է «Կանաչ մոլորակ-2012» մրցույթի հայաստանյան ազգային փուլը:
Ըստ այդմ, մրցույթը կանցկացվի հետեւյալ անվանակարգերում.
«Դարավոր ավանդույթների բազմազանություն», «Գիտափորձ տիեզերքում», «Կանաչ մոլորակը երեխաների աչքերով», «Անտառի կյանքը եւ մարդկային ճակատագրերը», «Բնությունն անգնահատելի պարգեւ է. միակը բոլորի համար», «Էկո-օբյեկտիվ», «Ժամանակակից կյանքը եւ ավանդույթները», «Ժամանակակից տեխնոլոգիաները` բնությանը ծառայելու համար», «Բնություն, էկոլոգիա, մշակույթ»:
Մրցույթների անցկացման պայմաններին կարելի է ծանոթանալ www.greenplaneta.ru կայքում:
«Կանաչ մոլորակը երեխաների աչքերով» մրցույթի աշխատանքները անհրաժեշտ է ներկայացնել բնագրերով (դրանք չեն վերադարձվում) Անանիա Շիրակացիի ճեմարանի ընդունարան հետեւյալ հասցեով` Երեւան, Արտեմ Միկոյանի 35 : Մնացած մրցույթներին ներկայացվող աշխատանքները կարելի է ներկայացնել էլեկտրոնային տարբերակով` [email protected] հասցեով:
Աշխատանքների ներկայացման վերջնաժամկետը ապրիլի 30-ն է:
