Դեկտեմբերի 18-ի գիշերը, ժամը 04.10-ին, ոստիկանության Նոր Նորքի բաժնում  ահազանգ է ստացվել, որ անհայտ անձը ժամը 03.30-ին բենզինով լի տարայով մոտեցել է Ռուբինյանց փողոցում գտնվող բենզալցակայանին եւ 25 եւ 28 տարեկան աշխատակիցներից գումար պահանջել` սպառնալով, որ եթե չկատարեն իր պահանջը, մոտը եղած բենզինով կայրի նրանց:

Ոստիկանության լրատվության վարչությունից հայտնում են, թե, հանդիպելով աշխատակիցների մերժմանը, անծանոթը մոտ եղած տարայի բենզինը լցնելով լցակայանի աշխատասենյակի հատակին եւ նրանց վրա՝ այրել է:

Ժամը 05.45-ին աշխատակիցներն այրվածքներով տեղափոխվել են Երեւանի այրվածքաբանության կենտրոն:

Փաստի առթիվ ոստիկանության Նոր Նորքի քննչական բաժնում հարուցվել է քրեական գործ ՀՀ քրեական  օրենսգրքի 34-104 հոդվածի 2-րդ մասի 1-ին, 5-րդ, 8-րդ կետերով եւ 175 հոդվածի 1-ին մասով:

Ձեռնարկվում են օպերատիվ-հետախուզական եւ քննչական միջոցառումներ հանցագործություն նկատարած անձի ինքնությունը պարզելու եւ նրան հայտնաբերելու ուղղությամբ:

Նախաքննությունը շարունակվում է: