նախընտրելի դարձնելՀՀՇ վարչության անդամ Հովհաննես Իգիթյանը նույնն ընտրություններն է ակնկալում եւ շեշտում, թե ինչպես կարող է հասարակության յոթանասունհինգ տոկոսը սիրել կոռուպցիան, անգրագիտությունը եւ այլն: Այս մասին այսօր՝ հունվարի 14-ին, լրագրողների հետ հանդիպմանն ասաց Հովհաննես Իգիթյանը:
«Եթե Սերժ Սարգսյանն է դժգոհ այս ամեն ինչից, եւ այդ մասին հայտարարում է, օրինակ՝ Կառավարության հայտնի նիստում, ինչպես կարող է հասարակությունը գոհ լինի»,- ասաց նա: Հովհանես Իգիթյանը նշեց, որ ընդդիմությունը հինգ տարիներին փորձում էր օգնել իշխանությանը լուծել այս հարցը, բողոքները հասցնել նախագահին, բայց ընդդիմության բոլոր ծրագրերը կատարելու համար հիմնական խոչընդոտը հենց իշխանությունն է:
Ասուլիսի մյուս բանախոսը՝ ՀՀԿ-ական պատգամավոր Արտակ Զաքարյանը, վստահեցրեց, որ այս ընտրությունները լինելու են օրենքի շրջանակներում, բացառիկ լավ ընտրություններ եւ ստեղծվելու է նոր իրավիճակ, իսկ իշխանությունը հասարակության կողքին միշտ կանգնած է:
Հովհաննես Իգիթյանը լավ ընտրությունների անցկացման հիմք չի տեսնում, քանի որ «նույն մարդիկ, որոնք մեղադրվում էին կեղծիքների մեջ, չեն պատժվել եւ նրանք ՀՀԿ-ի կողքին են»: «Այսինքն՝ որտեղի՞ց պետք է հավատ ունենանք, որ Հայաստանում դեպի առաջ ենք շարժվում»,- ասաց նա: Նա նշեց, որ ՀՀԿ-ն ում ուզենա, նրան էլ կդարձնի նախագահ: Արտակ Զաքարյանը չհամաձայնեց այդ մտքի հետ: Հովհաննես Իգիթյանը, դիմելով Արտակ Զաքարյանին, նշեց, որ վերջինս երկար տարիներ աշխատել է պետգնումներում, գիտի բոլոր մանրուքները: «Ձեր կուսակցության անդամները հայտարարում են տենդերները, շահում են դրանք եւ պարզվում է, որ միլիարդավոր դրամներ ուռճացվում են: Հենց դուք գնացեք եւ նախաձեռնեք, վերացրեք»,- ՀՀԿ-ական պատգամավորին կոչ արեց նա:
Լուսանկարը՝ Արսեն Սարգսյանի/NEWS.am
