ՆախընտրելիՈւրուգվայի նախագահ Խոսե Մուխիկան Արգենտինայի ղեկավար Քրիստինա Քիրշներին անվանել է «ծեր կախարդ», հաղորդում է Lenta.ru-ն` վկայակոչելով El Observador-ին:
El Observador-ը գրում է, որ ապրիլի 4-ին Մուխիկան մամուլի ասուլիսի սկսվելուց առաջ զրուցել է իր ենթականերից մեկի հետ: Չնկատելով, որ խոսափողն արդեն միացված է, նա արտաբերել է` «այդ ծեր կախարդն այն շիլաչքից ավելի վատն է»:
Մուխիկայի արտահայտությանն անմիջապես արձագանքել են Հարավային Ամերիկայի բազմաթիվ լրատվամիջոցներ, որոնք ենթադրել են, որ Մուխիկայի արտահայտությունը վերաբերվում է Արգենտինայի նախագահ Քրիստինա Քիրշներին եւ նրա հանգուցյալ ամուսին Նեստոր Քիրշներին, որը նրա նախորդն էր Արգենտինայի նախագահի պաշտոնում եւ վախճանվել էր 2010թ.:
Agence France-Presse –ը հաղորդում է, որ լրատվամիջոցներում այս լուրի հայտնվելուց մի քանի ժամ անց, Ուրուգվայի նախագահը հայտնել է, որ իր խոսքերը Քրիստինա Քիրշներին եւ նրա հանգուցյալ ամուսնուն չեն վերաբերել: Նա հավելել է, որ մտադիր չէ այդ առիթով որեւէ բան բացատրել կամ արդարանալ:
