ՆախընտրելիԸնդդիմադիր խմբակցության 70 պատգամավորներ փակել են Ուկրաինայի Գերագույն ռադայի ամբիոնը: Խորհրդարանականներն իրենց պահանջներով ցուցապաստառներ են կախել, հայտնում է «Ինտերֆաքսը»:
Դրանցում գրված են. «Կիեւում օրինական ընտրություններ կլինեն», «Պաշտոնանկ անել Յանուկովիչ-Ազարովի կառավարությունը», «Պահանջում ենք կասեցնել կենսաթոշակային բարեփոխումը»:
«Ես աշխատելու ոչ մի հնարավորություն չեմ տեսնում՝ դատելով պաստառներից, որոնք դահլիճում կախել են մի քանի տասնյակ մարդիկ», -ասել է «Ռեգիոնների կուսակցության» խմբակցության առաջնորդ Ալեքսանդր Եֆրեմովը՝ պատասխանելով հարցին, թե աշխատելո՞ւ է արդյոք այսօր խորհրդարանը:
Ալեքսանդր Եֆրեմովը նաեւ նշել է, որ խորհրդարանական մեծամասնությունը պատրաստ է աշխատանքին:
Ընդդիմությունն արգելափակում է խորհրդարանի ամբիոնն ապրիլի 2-ից` պնդելով իր պահանջների կատարումը, որոնք մասնավորապես վերաբերում են Կիեւի քաղաքապետի ընտրության ժամկետի նշանակմանը, կենսաթոշակային բարեփոխման վերացմանը եւ Նիկոլայ Ազարովի կառավարության նկատմամբ անվստահություն հայտնելուն:
