նախընտրելի դարձնելԱյն բանից հետո, երբ Կանադայում Թուրքիայի դեսպան Թունջայ Բաբալին «հստակ հասկացրեց», որ Կանադան պետք է վերանայի Հայոց ցեղասպանության հարցում իր դիրքորոշումը` տնտեսական համագործակցությունը շարունակելու համար, կանադացիների պատասխանը կլինի բացարձակ «ոչ»-ը: Նման հայտարարություն է տարածել Տորոնտոյում գործող Սառա Քորնինգի անվան ցեղասպանության ուսուցման կենտրոնը:
«Vancouver Sun» պարբերականում հրապարակված` Կենտրոնի հայտարարության մեջ մասնավորապես նշվում է. «Կանադացիները կարեւոր դեր են ունցել հայերին ուղղված մարդասիրական ջանքերում դեռ 1800թ-ից: Օրինակ, Նոր Շոտլանդիայից բուժքույր Սառա Քորնինգը փրկել է ցեղասպանության ժամանակ որբացած 5000 հայ երեխաների 1922 թ-ին, երբ թուրքական ուժերը հրի մատնեցին Սմիրնու քաղաքը:
Հայոց ցեղասպանությունը հաստատվել է քաղաքականապես եւ պատմականորեն` տասնամյակների ընթացքում: Այդ Թուրքիայում է, որ տվյալ խնդիրը շարունակում է որպես տաբուն է մնալ` հանգեցնելով շատ մտավորականների ներկայացուցիչների հետապնդումների»:
Կենտրոնը կոչ է արել պատկերացնել Գերմանիան, երբ Հիտլերը հերոս էր, իսկ Օսկար Շինդլերի հիշատակը` մոռացված. «Թուրքիան շարունակում է ցեղասպանության ճարտարապետներին վերաբերվել ինչպես նշանավոր անձանց, այն դեպքում, երբ հայերի կյանքը փրկած խիզախ թուրքերի պատմությունը լռեցված է:
Կանադայի արժեքներն ու բարոյականությունը վաճառքի համար չեն, դրանք Կանադայի յուրաքանաչյուր քաղաքացու մասնիկն են»,-ասված է Կենտրոնի հայտարարության մեջ:
Հիշեցնենք, որ Կանադայում Թուրքիայի դեսպան Թունջայ Բաբալիին «The Canadian Press» պարբերականի հետ զրույցում հայտարարել է, որ Հայոց ցեղասպանության հարցը դանդաղեցնում է Թուրքիա-Կանադա առեւտրային հարաբերությունները:
