Հայաստանի ԱԻՆ Լոռու մարզի Թումանյանի հրշեջ փրկարարական ջոկատից  ոստիկանության Թումանյանի բաժնում օգոստոսի 5-ին, ժամը 14.05-ին, հաղորդում է ստացվել, որ Շնող գյուղում չոր խոտածածկ է այրվում:

Ոստիկանության լրատվության վարչությունից հայտնում են, թե պարզվել է, որ նույն օրը, ժամը 13.40-ի սահմաններում,  հրդեհվել են Շնող գյուղի «Դուզ» կոչվող տարածքում գտնվող, նույն գյուղի  բնակիչներին պատկանող 1.600 քմ խաղողի, 400 քմ սերկեւիլի այգիները, 600 քմ արտատեղը,   2.000 քմ  եւ  4.000 քմ դեղձի այգիներ:

Մեկնել է հրշեջ փրկարարական ծառայության 1 մարտական հաշվարկ:

Հրդեհը մարվել է նույն օրը, ժամը 15.27-ին:

Վնասի չափն ու հանգամանքները պարզվում են:

Կատարվում է հետաքննություն: