Դիլիջանի բաժնում օգոստոսի 15-ին, ժամը 14.40-ին, հիվանդանոցից  ոստիկանության ահազանգ է ստացվել, որ գլխի  ճակատային շրջանի պատռված վերքով բուժօգնության է տեղափոխվել 5-ամյա աղջիկ, որտեղ նրա ծնողները բանավոր հայտարարել են, որ երեխան  վնասվածքը ստացել է բարձրությունից անզգուշությամբ վայր ընկնելու հետեւանքով:

Ոստիկանության լրատվության վարչությունից հայտնում են, թե նույն օրը, ժամը 22.20-ին, բաժին է ներկայացել 25-ամյա երիտասարդ եւ  հայտարարել, որ նույն օրը, ժամը 14.30-ի սահմաններում, Հաղարծին գյուղի մոտ  երեխային վրաերթի է ենթարկել ինքը` իր վարած «ՎԱԶ-2106» մակնիշի ավտոմեքենայով:

Կատարվում է նախաքննություն: