Գյումրիի Տերյան եւ Սունդուկյան փողոցների խաչմերուկում օգոստոսի 22-ին, ժամը 11.50-ի սահմաններում,   «ՎԱԶ-2107» մակնիշի ավտոմեքենա է բախվել «ԳԱԶ-24» մակնիշի ավտոմեքենայի, որն էլ իր հերթին բախվել է «Մերսեդես Բենս»  մակնիշի ավտոմեքենայի: Ոստիկանության լրատվության վարչությունից հայտնում են, թե պատահարի  հետեւանքով «ՎԱԶ-2107»-ի վարորդը  մարմնական վնասվածքներով տեղափոխվել է հիվանդանոց:

Օգոստոսի 22-ին, ժամը 17.00-ին,  Սպիտակ-Գյումրի ճանապարհի 15-րդ կմ-ին` Շիրակամուտ գյուղի տարածքում, «Ինֆինիտի ՋԻ-35»  մակնիշի ավտոմեքենա է  դուրս  եկել ճանապարհի երթեւեկելի մասից, բախվել ճանապարհի ձախակողմյան մասում գտնվող մետաղյա ցանկապատին:

Վարորդը  մարմնական վնասվածքներով տեղափոխվել է հիվանդանոց:

Օգոստոսի 22-ին, ժամը 17.45-ի սահմաններում, Գնդեվազ-Ջերմուկ ճանապարհի 8-րդ կմ-ին «ՎԱԶ-2107» մակնիշի ավտոմեքենա է շրջվել եւ բախվել  ճանապարհի աջ եզրի երկաթյա արգելապատնեշին, ինչի հետեւանքով ուղեւորը  մարմնական վնասվածքներով տեղափոխվել է հիվանդանոց:

Օգոստոսի 22-ին, ժամը 18.10-ին, Երեւանի Դավիթաշեն թաղամասի 2-րդ եւ 7-րդ փողոցների խաչմերուկում «Մերսեդես»  մակնիշի ավտոմեքենա է բախվել  «ԳԱԶ-21»  մակնիշի ավտոմեքենայի:

«ԳԱԶ-21»-ի ուղեւորը  տեղափոխվել է հիվանդանոց:

Բոլոր դեպքերով կատարվում է քննություն: