Ոստիկանության Կապանի բաժնում  օգոստոսի 23-ին, ժամը 12.36-ին, մի տղամարդուց  ահազանգ է ստացվել, որ նույն օրը, ժամը 12.30-ի սահմաններում, Աշոտավան բանավանում գտնվող իր առանձնատանը կից խորդանոցում հայտնաբերել է հանգուցյալ հորը պատկանող զինամթերքը:

Ոստիկանության լրատվության վարչությունից հայտնում են, թե մեկնած օպերատիվ խմբին 1968 թ. ծնված Էռնեստ Պ.-ն խորդանոցում մատնացույց է արել հնամաշ մի կտորե պարկ, որի միջից հայտնաբերվել եւ առգրավվել է ինքնաձիգի 7,62 մմ տրամաչափի 220 փամփուշտ, «Ֆ-1» տիպի 2 նռնակ` առանց պայթուցիչների, «ԲՄԳ-Կ» տիպի 2 նռնակ, «ՈւԶՌԳՄ-2» տիպի նռնակի 2 պայթուցիչ, ինքնաձիգի պահունակ եւ պահունակի պայուսակ:

Էռնեստ Պ.-ն բացատրություն է տվել, որ խորդանոցը ապամոնտաժելիս հայտնաբերել է նշված ռազմամթերքը, որը պատկանել է 1992-1994 թթ. Արցախյան ազատամարտի ժամանակ մարտական գործողություններին մասնակցած  հանգուցյալ հորը:

Նշանակվել է դատաձգաբանական փորձաքննություն:

Կատարվում է հետաքննություն: