նախընտրելի դարձնել
Հայաստանի կենտրոնական ընտրական հանձնաժողովն այսօր գումարած արտահերթ նիստում «Ընտրություններ» ավտոմատացված համակարգի միջոցով իրականացրել է թիվ 38 ընտրատարածքում 2013թ. սեպտեմբերի 29-ին կայանալիք Ազգային ժողովի մեծամասնական ընտրակարգով լրացուցիչ ընտրությունների թվով 76 տեղամասային ընտրական հանձնաժողովների նախագահների եւ քարտուղարների պաշտոնների բաշխումը` Ազգային ժողովում խմբակցություն ունեցող կուսակցությունների, կուսակցությունների դաշինքի միջեւ:
Տեղամասային ընտրական հանձնաժողովների նախագահների եւ քարտուղարների պաշտոնները բաշխվել են հետեւյալ համամասնությամբ.
Հայաստանի Հանրապետական կուսակցություն (ՀՀԿ)` 34-ական,
«Բարգավաճ Հայաստան» կուսակցություն (ԲՀԿ)` 24-ական,
Հայ ազգային կոնգրես կուսակցությունների դաշինք (ՀԱԿ)` 6-ական,
Հայ Յեղափոխական Դաշնակցություն (ՀՅԴ)՝ 4-ական,
«Օրինաց երկիր» կուսակցություն (ՕԵԿ)` 4-ական,
«Ժառանգություն» կուսակցություն՝ 4-ական:
Ազգային ժողովում խմբակցություն ունեցող կուսակցությունները, կուսակցությունների դաշինքը տեղամասային ընտրական հանձնաժողովներում անդամներ նշանակելու մասին հայտերը կենտրոնական ընտրական հանձնաժողով կարող են ներկայացնել օգոստոսի 30-ից մինչեւ սեպտեմբերի 4-ը:
