Երեւանի Կիեւյան փողոցի թիվ 14/Ա հասցեի մոտ  օգոստոսի 25-ին, ժամը 15.00-ին, «Ֆոլքսվագեն»  մակնիշի ավտոմեքենան բախվել է վթարված վիճակում կանգնած  «ՎԱԶ-21214»  մակնիշի ավտոմեքենայի, որն ինքնաբերաբար առաջ ընթանալով` վրաերթի է ենթարկել  30-ամյա տղամարդու, այնուհետեւ` բախվել «Ֆոլքսվագեն»  մակնիշի ավտոմեքենայի:

Ոստիկանության լրատվության վարչությունից հայտնում են, թե վրաերթի ենթարկված տղամարդը  մարմնական վնասվածքներով տեղափոխվել է հիվանդանոց:

Օգոստոսի 25-ին, ժամը 21.30-ին, Երեւանի Ծովակալ Իսակովի պողոտայում   «ԲՄՎ»  մակնիշի ավտոմեքենա է  բախվել  խափանված վիճակում կանգնած  «ՎԱԶ-21074»  մակնիշի ավտոմեքենայի:

Պատահարի հետեւանքով «ԲՄՎ»-ի եւ «ՎԱԶ-21074»-ի 2-ական ուղեւորներ մարմնական վնասվածքներով տեղափոխվել են հիվանդանոց:

Օգոստոսի 25-ին, ժամը 21.15-ին, Երեւանի Կոմիտասի պողոտայի թիվ 42 շենքի մոտ   «Ֆորդ»  մակնիշի ավտոմեքենա է բախվել   «Մազդա»  մակնիշի ավտոմեքենայի, որն էլ բախվել է   «ԲՄՎ X-5»  մակնիշի ավտոմեքենայի:

«Մազդա»-ի վարորդը մարմնական վնասվածքներով տեղափոխվել է հիվանդանոց:

Բոլոր դեպքերով կատարվում է քննություն: