նախընտրելի դարձնել
Չինական կլինիկան «կույսերի արյուն» է փնտրում՝ գիտական ուսումնասիրությունների համար: Հայտարարությունը, որում կույսերին առաջարկվում է արյուն հանձնել, Չինաստանում բուռն բանավեճերի առիթ է դարձել, հայտնում է La Voz de Galicia-ն հոդվածում, որի թարգմանությունը ներկայացրել է «Ինոպրեսսա»-ն:
Պեկինի համալսարանի ուռուցքաբանության ամբիոնը բացատրել է, որ արյունն անհրաժեշտ է մարդու պապիլոմայի վիրուսի հետազոտման համար:
«Այդ վիրուսով վարակվելու հավանականությունը խիստ փոքր է այն կանանց մոտ, որոնք երբեք սեռական հարաբերություն չեն ունեցել», - հստակեցնում է կլինիկայի ներկայացուցիչ Գուան Ցզյուպինը:
Սակայն խմբագրությունը նշում է, որ շատ չինացիներ հայտարարությունը կանանց համար վիրավորական են համարում, քանի որ տղամարդ կույսերի մասին ոչինչ չի նշվում:
