Վենեսուելայում ֆրանսիական Air France ընկերության աշխատակիցներ են կալանավորվել տոննայից ավելի կոկայինի մաքսանենգության համար: Ընդհանուրը ձերբակալվել է 22 մարդ, որոնցից 8 –ը վենեսուելացի գվարդիականներն են, մնացածները` Air France-ի  աշխատակիցներ:

Վենեսուելայի ներքին գործերի նախարար Միգել Ռոդրիգես Տորրեսը հայտնել է, որ կալանավորվել են բոլոր նրանք, ովքեր մասնակցել են ճամպրուկների տեղափոխման գործընթացին: Ըստ նրա, այդ ամենը կազմակերպված հանցավորության շղթայի մի մաս է: Եվս վեց մարդու Փարիզում ձերբակալել են Ֆրանսիայի իշխանությունները: Նրանցից երեքն իտալացի են, երեքը` բրիտանացի:

«Մեզ հայտնի է, թե ճամպրուկներն ինչպես են օդանավ հասել: Դրանք անցել են ուղեբեռների կոնվեյերով, հետո Ռենտգենի սարքով, հետո հայտնվել են օդանավում: Մենք հետաքննություն ենք վարում ինքնաթիռում գտնվողների նկատմամբ, մասնավորապես` անձնակազմի անդամների, որովհետեւ, անշուշտ, այնտեղ համախոհ է եղել, քանի որ չափից շատ չգրանցված քաշ կար», - նախարարի խոսքերն է փոխանցում NDTV-ն:

France 24-ը հստակեցնում է, որ կալանավորվածների թվում է ,  Air France-ի կառավարչի օգնական Խուան Չիրինո Արիսան: Նաեւ հաղորդվում է, որ ազգային գվարդիականների մեջ սպայական կոչումով անձինք կան, նաեւ` փոխգնդապետ:

Հանցագործների ինքնությունը պարզվել է հսկող տեսախցիկների միջոցով, հայտնում է NEWSru.com-ը:

Հիշեցնենք, նախորդ շաբաթ  200 մլն եվրո արժողությամբ 30 ճամպրուկ թմրանյութ էր առգրավվել Փարիզի Շառլ դը Գոլ օդանաակայանում: Արգելված բեռը Կարակասից էր ուղարկվել: Ճամպրուկների վրայի պիտակը ուղեւորներից ոչ մեկի անվանը չէր համապատասխանել:

Կարակասից ժամանող ինքնաթիռում ավելի քան մեկ տոննա կոկային են հայտնաբերել 

Վենեսուելայում ձերբակալել են երկու գվարդիականների՝ կապված օդանավում 1 տոննա կոկայինի գործի հետ 

Փարիզ ներմուծված մեկ տոննա կոկայինի գործը քննում են Ատլանտիկայի երկու ափերում