նախընտրելի դարձնել
Իշխող կոալիցիայում չընդգրկված ԱԺ քաղաքական չորս ուժերն արդեն բավականաչափ ստորագրություններ են հավաքել Սահմանադրական դատարան դիմելու համար՝ «Կուտակային կենսաթոշակների մասին» օրենքն ուժի մեջ մտնելը մեկ տարով հետաձգելու պահանջով:
NEWS.am-ի թղթակցին ստորագրահավաքը կազմակերպած ՀՅԴ խմբակցությունից հայտնել են, որ դիմումի տակ արդեն ստորագրել են 32 պատգամավորներ՝ անհրաժեշտ 27-ի փոխարեն: Ստորագրել են նաեւ ՀՅԴ խմբակցության Երեւանում գտնվող հինգ անդամներից երեքը՝ Արծվիկ Մինասյան, Աղվան Վարդանյան եւ Արմեն Ռուստամյան: Ստորագրել են նաեւ ՀԱԿ, «Ժառանգություն», ԲՀԿ խմբակցության անդամները: ԲՀԿ-ից ստորագրել են ոչ միայն ակտիվ խորհրդարանականները՝ Նաիրա Զոհրաբյան, Վահե Էնֆիաջյան եւ այլք, այլեւ գործարար պատգամավորները՝ Մելիք Մանուկյանը եւ Վահան Գուլոյանը:
Ստորագրահավաքը կշարունակվի մինչեւ շաբաթվա վերջ:
