Ստամբուլի օդանավակայանից դեկտեմբերի 10-ի ուշ երեկոյան  օդ բարձրացած 2 օդանավ կայծակի հարվածներից վնասվել եւ շտապ վայրէջք են կատարել։

Թուրքական Radikal-ի փոխանցմամբ՝  «Թուրքական ավիաուղիների» Ստամբուլ-Սպահան չվերթն իրականացնող օդանավը կայծակի հարվածից հետո շտապ վայրէջք է կատարել Անկարայի օդանավակայանում։ Ուղեւորները թռիչքը շարունակել են այլ օդանավով։

Գրեթե նույն ժամանակ «Պեգասուս» ընկերությանը պատկանող Ստամբուլ-Խարկով չվերթն իրականացնող օդանավը եւս ենթարկվել է կայծակի հարվածի եւ հետ է վերադարձել Ստամբուլի օդանավակայան։ Այս օդանավի ուղեւորները եւս այլ օդանավով են շարունակել թռիչքը։