Երեւանում դեկտեմբերի 12-ին երեխաների՝ դեղորայքին թունավորման երեք դեպք էր գրանցվել, այժմ բոլոր մանկիկների վիճակը լավ է:

NEWS.am-ի թղթակցին «Մուրացան» հիվանդանոցից հայտնեցին, որ տատիկի ճնշման դեղերը խմած 3-ամյա Ա.Հ-ի վիճակը լավ է, նա չի պառկել հիվանդանոցում, այցելում է եւ ամբուլատոր օգնություն է ստանում: 

Երեւանի Բագրատունյաց պողոտայի 3-րդ նրբանցքի բնակիչ` 2010 թ. ծնված  Մ. Մ-ն էլ թունավորվել է հակաբիոտիկ դեղամիջոցի չարաշահումից: Հիվադանոցից NEWS.am-ին հայտնել էին, որ երեխային հակաբիոտիկ էր նշանակված, որը նա ամբողջությամբ խմել է: Այժմ մանկիկը գտնվում է հիվանդանոցում:

Իսկ Արագածոտնի մարզի Արտաշավան գյուղի բնակիչ՝  2012 թ. ծնված Մ. Ս.-ն խմել էր հորաքրոջ հակախոցային, վիժում առաջացնող դեղերը եւ թունավորվել: Նրա վիճակը այժմ կայուն է: