նախընտրելի դարձնել
Վթարի է ենթարկվել Ռուսաստանի պաշտպանության նախարարության ՄիԳ-31 կործանիչը:
Օդանավի երկու օդաչուներն էլ կարողացել են կատապուլտով դուրս նետվել եւ ողջ են մնացել:
Միջադեպը տեղի է ունեցել դեկտեմբերի 14-ին` Ռուսաստանի Պրիմորյեի երկրամասի Օլենեւոդ ավանի շրջակայքում: Կործանիչը մեկնել էր «Կնեւիչի» օդանավակայանից եւ վթարի ենթարկվել Վլադիվոստոկի հարեւանությամբ գտնվող Կենտրոնական Ուգլովայա ավիակայանից 26 կմ հեռավորության վրա:
Կործանիչի ընկնելու պատճառը կարող էր լինել տեխնիկական անսարքությունը. ՄիԳ-31-ը թռիչք էր իրականացնում վերանորոգման աշխատանքներից հետո, հայտնում է «ՌԻԱ Նովոստին»` վկայակոչելով ՌԴ-ի ուժային կառույցների աղբյուրը:
Նշվում է, որ փրկարարները գտել են օդաչուներին եւ նրանց օդանավակայան են տանում: Օդանավի ընկնելու հետեւանքով զոհեր եւ ավերածություններ չկան:
