նախընտրելի դարձնելԹուրքիայում կուսակցությունների վերջին վարկանիշային տվյալներն է հրապարակել Andy-Ar վերլուծական ընկերությունը:
Ըստ հրապարակած տվյալների, կրկին առաջատարի դիրքերում է իշխող «Արդարություն եւ զարգացում» կուսակցությունը, ում վարկանիշը 2009-ին իջել էր 32 տոկոսի՝ կապված ժողովրդավարացման նախաձեռնությունների եւ տնտեսական ճգնաժամի հետ: Ներկայումս իշխող կուսակցության վարկանիշը հասել է 39 տոկոսի:
Գլխավոր ընդդիմադիր «Ժողովրդա-հանրապետական» կուսակցության վարկանիշում փոփոխություններ չկան: Հիշյալ կուսակցության վարկանիշը 20 տոկոսի սահմաններում է:
Ընդդիմադիր «Ազգայնական շարժում» կուսակցության վարկանիշը անկում է ապրել: Էրդողանի առաջարկած ժողովրդավարական նախաձեռնությունների դեմ հիշյալ կուսակցության կոշտ դիմադրությունը ազգայնական կուսակցության վարկանիշը հասցրել էր 20 տոկոսի, սակայն ներկայումս այն իջել է 16-ի:
Փոքր, բայց հաստատուն կերպով աճել է իսլամիստական «Բարգավաճում» կուսակցության վարկանիշը` հասնելով 6 տոկոսի:
Մուսթաֆա Սարըգյուլի ղեկավարած «Թուրքիայի բարեփոխումների շարժումի» 10 տոկոսանոց վարկանիշը իջել է 8-ի: Վարկանիշի իջեցմանը նպաստել են Մուսթաֆա Սարըգյուլի պասիվ քաղաքականությունը:
Քրդական «Խաղաղություն եւ ժողովրդավարություն» կուսակցության վարկանիշի այնքան էլ չի փոխվել եւ տատանվում է 5.5 տոկոսի սահմաններում:
Հարցման մասնակիցների մեծամասնությունը դեմ է հանդես եկել վաղաժամկետ ընտրություններին, իսկ ամենազդեցիկ կուսակցության ղեկավարը համարվել է Ռեջեփ Թայիփ Էրդողանը:
