Չինաստանը օրենք է ընդունել, որը պաշտոնյաներին արգելում է ծխել հանրային վայրերում, որպեսզի նրանք ծխելուց հրաժարվելու օրինակ հանդիսանան:  Օրենքում ասվում է, որ պաշտոնյաներին արգելվում է ծխել դպրոցներում, հիվանդանոցներում, մարզական եւ մշակութային օբյեկտներում, հասարակական տրանսպորտում եւ այլ վայրերում, որտեղ արգելված է ծխելը:  Պաշտոնյաներին արգելել են նաեւ  ծխախոտ գնել պետության հաշվին, ծխել կամ ծխախոտ առաջարկել` ծառայողական պարտականությունները կատարելիս, հաղորդում է «Սինհուան»:

Փաստաթղթում ասվում է, որ պետական հաստատություններում արգելք է կիրառվելու ծխախոտի վաճառքի եւ գովազդի վերաբերյալ: Իսկ տեսանելի ծանուցումները փակցվելու են դահլիճներում, ընդունարաններում, անցումներում, ճաշարաններում եւ հանգստյան սենյակներում: