Բելառուսում ոստիկանությունը ոչ անտարբեր քաղաքացիներին կոչ է արել  անանունության սկզբունքով հայտնել հասցեներ, որտեղ ապօրինաբար ինքնաթոր օղի, սպիրտ եւ այլ խմիչքներ  են պատրաստում  ու վաճառում:

Հաղորդվում է, որ փոստային կապի աշխատակիցներն աջակցել են Մինսկի ոստիկանության նախաձեռնությանը:

Իրավապահների խոսքով՝ նման միջոցների որոշել են դիմել ստեղծված իրավիճակի վերլուծությունից հետո:  ՆԳՆ-ի վարչությունից հայտնել են, որ տարեց  գյուղացիները հաճախ հնարավորություն չեն ունենում ոստիկանություն զանգահարել եւ հայտնել սպիրտի պատրաստման եւ իրացման վայրերին մասին, հայտնում է ԻՏԱՌ-ՏԱՍՍ-ը:

Ոստիկանները նշել են, որ բնակչության ակտիվ աջակցության շնորհիվ 2013թ. միայն Մինսկի շրջանում 2000-ից ավելի իրավախախտներ են գտնվել:

Միաժամանակ, բելառուսցի օրենսդիրները բարձրացրել էին ինքնաթոր արտադրանքի օրինականացման հարցը, սակայն գաղափարը հավանության չէր արժանացել: