նախընտրելի դարձնելԺամանակին Ռոտշիլդների ընտանիքին պատկանած XVI դարի ժամագիրքը Նյու Յորքի Christie's աճուրդի տանը վաճառվել է 13,6 մլն դոլարով:
«Ռոտշիլդի ժամագիրքը» ներկայացվել էր Հին վարպետների աշխատանքների շաբաթվա շրջանակում կազմակերպված «Վերածննդի արվեստը» աճուրդում:
Հոգեւոր գիրքը 1505թ. ստեղծվել էր Նիդեռլանդների կայսերական արքունիքի ներկայացուցիչներից մեկի համար:
XIX դարում այն հայտնվել էր բարոններ Ալբերտ եւ Նաթանիել Ռոտշիլդների հայտնի հավաքածուում, իսկ 1999-ին այդ հավաքածուի հետ մեկտեղ աճուրդում վաճառվել էր ձեռագրի համար ռեկորդային՝ գրեթե 13,4 մլն դոլարով: Այս անգամ կազմակերպիչներն ակնկալում էին 12-18 մլն դոլար ստանալ:
Ժամագիրքը զարդարված է այնպիսի հայտնի վարպետների մանրանկարներով, ինչպիսիք են Գերարդ Հորենբոութը, Գերարդ Դավիթը, Ալեքսանդր եւ Սիմոն Բենինգները, հայտնում է ԻՏԱՌ-ՏԱՍՍ-ը:
Ժամագիրքը բովանդակում է աղոթքների եւ ժամերգությունների տեքստեր՝ եկեղեցական ամենօրյա ժամերգությունների համար:
