նախընտրելի դարձնելԱմուսնական վեճերը կարող են ոչ միայն գցել ձեր տրամադրությունը, այլեւ վնասել առողջությանը: Գիտնականների պնդմամբ՝ դրանք առանձնակի վտանգ են ներկայացնում սրտի համար: Մարդկանց մոտ, որոնք մտածում են, որ իրենց կողակիցը չի պաշտպանում իրենց, ավելի հաճախ են սրտի հիվանդություններ զարգանում: Ամերիկյան Յութա նահանգի գիտնականները հայտնաբերել են, որ այն մարդիկ, որոնք խոստովանում են, որ ամուսինը (կամ կինը) հազվադեպ է իր հետ համաձայնում, զարկերակի կալցիֆիկացման ավելի բարձր աստիճան ունեն:
Զարկերակային հիվանդությունը նշանակում է, որ նրանք անժամանակ մահանալու ավելի բարձր ռիսկի են ենթարկվում:
Գիտնականները որոշել են պարզել, թե ամուսինների վատ հարաբերությունները ինչպես են ազդում սրտանոթային հիվանդությունների ի հայտ գալու վրա: Նրանք 136 տարեց զույգերի (միջին տարիքը 63) խնդրել են պատասխանել իրենց հարցերին:
Ըստ այդմ, պարզվել է, որ հարցվածների մոտ 30 տոկոսը իր զուգընկերոջը համարում է դժվար պահերին դրական էմոցիաների աղբյուր, իսկ 70 տոկոսը հայտարարել է, որ ամուսինը երբեմն օգնում է, երբեմն էլ ավելի է տխրեցնում:
Ուսումնասիրությունը պարզել է, որ ամուսնական վեճերը հավասարապես վտանգավոր են եւ կնոջ, եւ ամուսնու համար:
