նախընտրելի դարձնելԱՄՆ պետքարտուղարությունը մեկնաբանել է Ռուսաստանի ԱԳ նախարար Սերգեյ Լավրովի հայտարարությունն այն մասին, որ ԱՄՆ պետքարտուղարն իրեն խորհուրդ է տվել ուշադրություն դարձնել ԱՄՆ նախագահ Բարաք Օբամայի խոսքին, հաղորդում է «Ինտերֆաքսը»՝ մեջբերելով ԱՄՆ պետքարտուղարության ներկայացուցիչ Ջեֆ Ռաթքեին:
ԱՄՆ պետքարտուղարությունը ափսոսանք է հայտնել, որ Ռուսաստանի ԱԳ նախարար Սերգեյ Լավրովը հրապարակել է պետքարտուղար Ջոն Քերրիի հետ դիվանագիտական մասնավոր երկխոսության մանրամասները:
«Այդ տեղեկություններից ելնելով, ԱԳՆ ղեկավարը ոչ կոռեկտ է բնորոշել իր եւ Ջոն Քերրիի միջեւ մասնավոր դիվանագիտական երկխոսությունը»,-ասել է Ռաթքեն:
«Մենք բազմիցս ասել ենք, որ կշարունակենք աշխատել Ռուսաստանի հետ այն ոլորտներում, որոնցում ունենք համաձայնություն, բայց հանդես կգանք Ռուսաստանի կողմից այլ երկրների ինքնիշխանության եւ միջազգային սկբունքների խախտումների դեմ»,-ասել է նա:
Հիշեցնենք, որ նոյեմբերի 19-ին ԱՄՆ պետքարտուղար Ջոն Քերրին Սերգեյ Լավրովին խորհուրդ է տվել ուշադրություն դարձնել Բարաք Օբամայի հայտարարություններին, որտեղ նա նշել է, որ Ռուսաստանը համաշխարհային սպառնալիքներից մեկն է:
