NASA-ի աստղագնացության եւ տիեզերքի հետազոտությունների փորձագետներն անդրադարձել են այս օրերի համաշխարհային գլխավոր նյուզմեյքեր Ջաբուլանի գնդակին: Mirrorfootball.co.uk-ի փոխանցմամբ` NASA-ի հետազոտությունը ցույց է տվել, որ ՀԱՀ-ում ավարտվող ֆուտբոլի աշխարհի առաջնության պաշտոնական գնդակի` Ջաբուլանիի հետագիծը ժամում 70 կմ-ից բարձր արագության դեպքում հաշվարկել հնարավոր չէ: Լեռնային պայմաններն այդ գործոնն ավելի անկանխատեսելի են դարձնում: Այնպես որ զարմանալ ու քննադատել պետք չէ, երբ դարպասապահներն ամենավերջին պահին ապշած հայացքով հետեւում են ձեռքից «փախչող» Ջաբուլանիին: