Հնդկաստանի հյուսիսային Ջամու եւ Քաշմիր նահանգի վերահսկողության գծի վրա տեղի ունեցած պայթյունից զոհվել է առնվազն 3 մարդ։ Եվս մեկը վիրավոր է։ Այս մասին հայտնում է India TV-ն։

Նահանգի ոստիկանության տվյալներով՝ պայթուցիկ սարքը գործի էր դրվել Սարյամ գյուղի ծայրամասում։

Զոհերն ու տուժածը տեղի բնակիչներ են։ Դեպքի վայրը շրջափակված է, տարվում է հետաքննություն, գրում է ՏԱՍՍ-ը։

Վերահսկողության գիծը Հնդկաստանի եւ Պակիստանի միջեւ սահմանազատիչ գիծ է։