նախընտրելի դարձնել
Ռուսաստանը1 մլն 309 հազար օտարերկրացու արգելել է մուտք գործել իր երկիր։ Այս մասին լրագրողներին հայտարարել է ՌԴ միգրացիոն ծառայության պետ Կոնստանտին Ռոմոդանովսկին ԱՊՀ միգրացիոն մարմինների ղեկավար խորհրդի հանդիպման հետնաբեմում։
«Այդ քանակից 8 հազարի համար մուտք արգելքը կգործի 10 տարով։ Կամաց-կամաց մենք ստիպում ենք միգրանտներին հարգել մեր օրենքները»,- նշել է ՌԴ Դաշնային միգրացիոն ծառայության ղեկավարը, փոխանցում է ՏԱՍՍ-ը։
Ռոմոդանովսկին նպատակահարմար չի համարում այս պահին ներգաղթյալների համար համաներում հայտարարելը։ «Համաներումը կարելի կլինի դիտարկել այս տարվա ամռանը կամ աշնանը, ոչ շուտ»,- հայտարարել է նա։
ԱՊՀ անդամ երկրների միգրացիոն գերատեսչությունները դիտարկում են ԱՊՀ քաղաքացիների անվավեր փաստաթղթերի տվյալների միասնական բազա ստեղծելու հարցը։ ԱՊՀ միգրացիոն մարմինների ղեկավարների խորհրդի փաստաթղթերում ասված է նաեւ, որ նիստին կքննարկվի ԱՊՀ երկրներում աշխատանքային միգրանտների համար էլեկտրոնային քարտեր ընդունելու վերաբերյալ նախագիծը։
