Նախընտրելի
Ռուսաստանի վարչապետ Դմիտրի Մեդվեդեւը հանձնարարել է թուրքական ՌՕՈՒ-ի կողմից Սիրիայի եւ Թուրքիայի սահմանին հրթիռահարված ռուսական Սու-24 ռմբակոծիչի հետ կապված միջադեպին ի պատասխան տնտեսական եւ հումանիտար միջոցների համալիր մշակել, տեղեկացնում է ՏԱՍՍ-ը:
«Ուզում եմ տնտեսական միջոցների մասին ասել: Երեկ ես Եկատերինբուրգում նախագահի հետ քննարկել եմ այդ հարցը: Արդյունքում կառավարությանը հանձնարարվել է տնտեսական եւ մարդասիրական ոլորտներում ագրեսիայի այդ գործողությանը հակազդելու միջոցների համակարգ մշակել: Որոշումը կընդունվի 2006-ի դեկտեմբերի 30-ի` հատուկ միջոցառումների մասին օրենքի հիման վրա: Այս օրենքն ըստ էության նախատեսված է նման իրավիճակների համար եւ վերաբերում է մեր անվտանգության հարցերին», — տեղեկացրել է Ռուսաստանի վարչապետը:
Ընդ որում, միջոցները պիտի նախապատրաստվեն երկու օրվա ընթացքում:
«Առաջարկում եմ ամեն ինչ անել երկօրյա ժամկետում, որպեսզի հնարավորինս արագ անցնենք համապատասխան ընթացակարգերին», — ասել է Մեդվեդեւը:
