նախընտրելի դարձնելՌուսաստանի նախագահ Վլադիմիր Պուտինը Պաշտպանության նախարարության կոլեգիայի ընդլայնված նիստին հայտնել է, որ «Սիրիական ազատ բանակի» զորամիավորումները, թվով ավելի քան 5 հազար մարդ, կառավարական զորքի հետ համատեղ գրոհում են գրոհայինների դիրքերը, գրում է Gazeta-ն:
«Հատկապես կնշեմ, որ մեր ավիախմբի աշխատանքը նպաստում է ինչպես կառավարական զորքի, այնպես էլ «Սիրիական ազատ բանակի» ջանքերի միավորմանը: Այժմ նրա մի քանի զորամիավորում, որոնց կազմը գերազանցում է 5 հազար մարդը, ինչպես նաեւ կանոնավոր զորքերը ահաբեկիչների դեմ հարձակողական գործողություններ են մղում Հոմսի, Համայի, Հալեպի եւ Ռաքայի նահանգներում», — ասել է պետության ղեկավարը:
Պուտինը նշել է, որ Ռուսաստանը նաեւ օդից է աջակցում նրանց, «ինչպես նաեւ սիրիական բանակին` նրանց օգնություն տրամադրելով սպառազինության, զինամթերքի եւ նյութական միջոցների առումով»:
