ՆախընտրելիՌուսաստանի եւ Լատվիայի սահմանին սկսվել է պարսպի կառուցումը, որը կոչված է խոչընդոտելու ԵՄ-ի տարածք անօրինական ներգաղթյալների ներթափանցմանը, տեղեկացնում է ՏԱՍՍ-ը:
«Լատվիայում սկսվել է այդ պարսպի կառուցումը: Առաջին փուլում մենք 10 կմ երկարությամբ պարիսպ ենք կառուցել այն վայրերում, որոնք տարածքի վերահսկողության համար առավել վտանգավոր եւ անհարմար են համարվում», — ասել է երկրի սահմանապահ ծառայության ղեկավար Նորմունդս Գարբարսը:
Գարբարսի խոսքով, «այնտեղ, որտեղ արդեն կառուցվել է այդ պատնեշը, սահմանի անօրինական անցման հետքեր չեն արձանագրվել»:
Լատվիայի արեւելյան սահմանի ամրապնդման համար չորս տարվա ընթացքում ավելի քան 3 մլն եվրո կծախսեն: 2015-ի սկզբից ի վեր Ռուսաստանից երկրի տարածք է ներթափանցել մոտ 500 անօրինական աշխատող:
