նախընտրելի դարձնելՌուսաստանի տնտեսությունը հաղթահարել է ճգնաժամի գագաթնակետը։ Այս մասին ամենամյա մեծ մամուլի ասուլիսի ժամանակ ասել է ՌԴ նախագահ Վլադիմիր Պուտինը։
«Վիճակագրությունը ցույց է տալիս, որ Ռուսաստանի տնտեսությունը ընդհանուր առմամբ հաղթահարել է ճգնաժամը կամ, համենայն դեպս, այդ ճգնաժամի գագաթնակետը»,- ասել է Պուտինը եւ նշել, որ ընթացիկ տարվա երկրորդ եռամսյակից նկատվում են գործնական ակտիվության կայունացման նշաններ։
Պուտինը նշել է, որ ՀՆԱ կրճատումը հասել է 3.7 տոկոսի, իսկ գնաճը դեկտեմբերի 7-ի դրությամբ կազմել է 12.3 տոկոս։
ՌԴ ղեկավարն ընդգծել է, որ ճգնաժամից դուրս գալու գործընթացում էական ճշգրտումներ են կատարել նավթի գները։
Նշենք, որ Պուտինն ազգային տնտեսության մասին հարցին պատասխանելիս հիշել է հետեւյալ անեկդոտը.
Հանդիպում են երկու ընկեր, մեկը մյուսին հարցնում է.
- Ինչպես՞ են գործերդ։
- Հիմա մոտս սեւ գիծ է։
Անցնում է եւս կես տարի։
- Դե, ինչպե՞ս են գործերդ։
- Սեւ գիծ է։
- Բայց սեւ գիծն անցյալ անգամ էր։
- Պարզվում է, որ դա սպիտակ գիծն էր։
