ՆախընտրելիՂազախստանն ու Եվրամիությունը դեկտեմբերի 21-ին ընդլայնված համագործակցության մասին նոր համաձայնագիր են ստորագրել: Աստանա է ժամանել ԵՄ արտաքին գործերով գերագույն ներկայացուցիչ Ֆեդերիկա Մոգերինին:
Փաստաթուղթը ստորագրել են Մոգերինին եւ Ղազախստանի արտգործնախարար Երլան Իդրիսովը, փոխանցում է «ՌԻԱ Նովոստի»-ն:
2014թ. աշնանը պաշտոնապես ավարտվել էին Ղազախստան-ԵՄ նոր համաձայնագրի շուրջ բանակցությունները: Համաձայն արտաքին քաղաքական հարաբերությունների եվրոպական ծառայության կայքում տեղակայված հայտարարության՝ նոր համաձայնագիրը խորացված քաղաքական երկխոսության, ներքին գործերի, արդարադատության եւ այլ ոլորտներում համագործակցության համար լայն շրջանակներ է ապահովելու:
