Անհայտ անձինք կոտրել են Չեխիայի վարչապետ Բոգուսլավ Սոբոտկայի Twitter-ի էջը:

Ինչպես լրագրողներին ասել է երկրի վարչապետի մամուլի քարտուղար Մարտին Այերը, ցանցահենները նրա էջում նեոնացիստական կոչեր եւ կառավարության հասցեին վիրավորական արտահայտություններ են տեղադրել, հայտնում է ՏԱՍՍ-ը:

Վարչապետի էջը կոտրելու առնչությամբ հարուցվել է քրեական գործ:

Վարչապետն ինքն այդ կապակցությաբ ասել է, որ եթե իր էջը կոտրել են նեոնացիստները, ապա դա ապացուցում է, որ ինքը լավ է կատարում իր պարտականությունները: